ഫാസിസവും സംഘ് പരിവാറും - എം കെ മുനീർ

 

 ഒലിവ് പബ്ലിക്കേഷൻ പുറത്തിറക്കിയ 1998 ലെ സി അച്യുതമേനോൻ പുരസ്‌കാരം നേടിയ ഒരു കൃതിയാണിത്. രാഷ്ട്രീയ നേതാവായ എഴുത്തുകാരൻ ഈ കൃതിയിലുടനീളം ഫാസിസത്തിന്റെ ഒരു സമഗ്രമായ ചിത്രം വായനക്കാരന് നല്കുന്നതിനോടൊപ്പം ഇന്നത്തെ രാഷ്ട്രീയത്തിൽ ഒളിഞ്ഞിരിക്കുന്ന ഫാസിസത്തിന്റെ ശേഷിപ്പുകൾ കാണിച്ചു തരുകയും ചെയ്യുന്നുണ്ട്. മതേതര രാജ്യത്ത് മതത്തിന്റെ പേരിൽ  നടക്കുന്ന അസ്വാരസ്യങ്ങൾ ഈ പുസ്തകം വളരെ വ്യക്തമായി പ്രതിപാദിക്കുന്നു. മതം രാഷ്ട്രീയത്തിന്റെ ഭാഗമായി മാറിയതും അല്ല മാറ്റിയതും മതേതരം എന്ന മഹത്തായ ആശയത്തെ മതനിന്ദ ആണെന്ന് പ്രചരിപ്പിക്കുകയും ചെയ്ത വർഗീയ ശക്‌തികളെ തെളിവ് സഹിതം എഴുത്തുകാരൻ വായനക്കാർക്ക് മുന്നിൽ കൊണ്ട് വരുന്നു. ഫാസിസത്തിന്റെ ആരംഭം മുതൽ അതിന്റെ പുതിയ ഭയാനകമായ രൂപം വരെ ഈ കൃതിയിൽ അവതരിപ്പിക്കുന്നു. പൈതൃകം അറിയാതെ പരസ്പരം പൊരുതി മരിച്ച ഹിന്ദു മുസ്ലിം സഹോദരങ്ങളുടെ വേദനിക്കുന്ന ഓർമകളിൽ സ്വയം സമർപ്പിച്ചു കൊണ്ടാണ് മുനീർ ഈ പുസ്‌തകം എഴുതി തുടങ്ങിയത്.. ഈ പുസ്തകത്തിന്റെ മറ്റൊരു സവിശേഷത ഇതിൽ പരാമർശിച്ചിരിക്കുന്ന എല്ലാ വസ്തുതകൾക്കും പര്യപ്തമായ തെളിവുകൾ ചൂണ്ടി കാണിക്കുന്നു എന്നുള്ളതാണ്.